Maundu mathiite magithukagira muhunjia ti Ng’ang’a uria wina nangucanio ya kuhitania na atungatiri a kanitha wake wa Neno Evangelism tondu mutumia wake niaramutiga.

Mutumia ucio, Loise Murugi Maina, niambikite cira igoti akienda gutigana na Muh. Ng’anga na aneo mwana wao wa mwaka umwe.

Thiini wa maratathi ma ciira igotini,mutumia ucio aroiga muhunjia ucio ni murumani muno,niamuhuraga mwiri na tmwihokeku kihikoini.

“Muhunjia Ng’anga’ timundu wa kawaida tondu nimuhunjia wi ngumo wina andu aingi mamurumagirira niundu wa kuruta “ciama”. Nonginya niumuigwite tondu niahunjiagia terebishoniini,” Murugi akoiga.

Ciraini ucio uria wambikirwo igotini tariki 2 mweri wa Septemba-ri,Murugi aroiga Ng’ang’a niamuhuraga na ndarutaga mbeca cia kugurira mwana indo iria ciendekanaga.

Riu Murugi arenda arihagwo mbeca shiringi 535,000 o mweri ciagwoteithia ohamwe na mwana wake tondundari wira.Oho oigite muhunjia Ng’ang’a niekuhota kurihaga mbeca icio tondu ni gitonga gia Karen.

Nake Muhunjia Nga’ng’a acoketie cira akoiga Murugi niwe watigire kohiko kiao na agithie na mwana uria arenda Murugi amucokie amurere we.

Eeri mekire uhiki tariki 30 wetandatu mwaka wa 2012 kuuria mukawa munene wa Windsor Gold Hotel thutha wa mutumia wa Nga’nga wa mbere gukua.

Murugi aroiga ahika niguo amenyire Ng’ang’a nuu biu.
Nimundu unyuaga njohi,nimurumani kuna tondu niarumire nginyagia aciari a Murugi.

Aroiga Ng’anga niahuragira atumia eene thimu thimu nakumatumira uhoro kugerera thimu undu uria utumaga we Murugi athumbuke muno.

Riria ndamuririe, muhunjia Nga’ng’a arehire ngahiha na kuthitukania. Thuthaini muhunjia niamuhoragiria nondatigaga mitugo iyo.

Riu igoti rietereiirwo rituithanie ciira uyu.